اول موضوع engennering faculty

لقيت مفيش حد كاتب في الهندسه والحمد لله ده مجالي هكتبلكو بقى حاجات مفيده عنها ا
اولا هتكلم عن الهندسه بشكل عام وافتحلكو ابواباها الهندسه دي علم بيدخل في كل حاجه حوالينا لانو بيدرس بدقه الخطوات المناسبه لعمل اي شيء وليها فروع كتيره جدا مثلا (عماره... مدني... ميكانيكا باور.... ميكا ترونيك....كهرباء...هندسه الطاقه...ميكانيكا سيارات وجرارات...اجهزه طبيه ....هندسه طيران....هندسه بترول وتعدين ......وفروع كتير يطول سردها) المهم اهم حرفه لازم يحترفها المهندس من اول ما يبدأ دراستو زي ما قالولنا الدكاتره اول ما دخلنا هو اني افكر صح في حل للمشكله مع الحفاظ على اقل التكاليف واقل ضرر واسرع وقت وعندي ليكو مثال لسه دارسينو السنه دي

في احد المصانع في امريكا كان المصنع قريب من اراضي زراعيه مما يسبب انو بيبوظ المحصول اي واحد عادي ممكن يقول نقفل المصنع او ننقل مكانو لكن ده هيسبب ضرر كبير وتكلفه عاليه يبقى حلها كمهندسيين ازاي اقولكو اولا بعد الدراسه المشتركه مع المهندسين الزراعيين عرفنا موسم نمو المحصول وبعد ما اتعمقنا في الدراسه قدرنا نحدد بالظبط الشهر اللي بيكون فيه النبات ضعيف ومبيستحملش الملوثات وبيموت ومن هنا يجي دور الهندسه
اولا ممكن نقفل المصنع لمده الشهر ده لكن هيخسر جامد يبقى تنعمل ايه درسنا سرعه الرياح خلال الشهر ده وقدرنا نعرف ان الرياح قادره على حمل الملوثات للمحصول في 3 ايام من الشهر في الفتره من الساعه 3 صباحا الي 9 صباحا شوفتو ازاي ضيقنا دائره المشكله من موسم حصاد كامل الى ثلاث ساعات في ثلاث ايام فقط وكان قدامنا تلات حلول خلال التلات ساعات دول 1..(shut down)نوقف عمل المصنع 2..(change fuel) يعني تغيير نوع الوقود المستخدم 3...(minimize intoduction) يعني تقليل الانتاج خلال الفتره دي علشان يقل حجم الملوثات معلش الموضوع طويل بس حبيت افيدكو بالمعلومات الي ممكن تفيدكو وان شاء الله اوعدكو هكلمكو في مواضيع كتير عن الهندسه